Tue. Sep 28th, 2021

Ujyaalo Patrika

Daily News

जहाँ बेहुलाको साथीहरुले उतार्छन् बेहुलीको कपडा

1 min read

काठमाडौंः संसारमा अलग–अलग खाले रीतिरिवाज र परम्परा हुन्छन्। चीनको एउटा परम्पराले पनि तपाईलाई चकित पार्नसक्छ। यहाँ विवाहपछि बेहुलाका साथीहरुले बेहुलीलाई आफ्नो काँधमा राखेर उठाउँछन्। त्यसपछि बेहुलीको कपडा उतार्छन्। तर, दुलहाले यसको विरोध गर्दैनन्। बरु, दुलहीका साथीहरुले ती केटाहरूलाई रोक्ने कोसिस गर्छन्।

यदी दुलहाका साथीहरु दुलहीको कपडा उतार्न सफल भए भने दुलहा पक्षले जितेको मानिन्छ। यदी, दुलहीका साथीहरु आफ्नी साथीलाई बचाउन सफल भए भने दुलही पक्षले जितेको मानिन्छ। यतिमात्रै होइन, विवाहको खेल खेल्ने नाममा नवविवाहित जोडीले कम्बलमा पल्टने र सुहागरातको अभिनय गर्नुपर्ने हुन्छ। पाहुनाहरूले दुलहीलाई किस गर्ने, स्ट्रिप गर्ने, उनको शरीरमा स्याही वा यस्तै केही कुराहरु फ्याँकिदिने, उनको कपडा तानिदिनेलगायत परम्परा समेत छ।

विश्वभर यस परम्पराको विरोध भएपछि चीनको एक शहरले अब वैवाहिक समारोहमा यस्तो उच्छृङ्खल खेल खेलाउन प्रतिबन्ध लगाएको छ। चीनको सेनडान्ग प्रान्तस्थित जोजिङ सिटीले भर्खरै एक नोटिस जारी गरेको छ। जसमा उल्लेख छ, ‘विवाहका दौरान दुलहा वा दुलहीलाई स्ट्रिप गर्न, उनीहरुलाई बाँध्न र उनीहरुमाथि कुनै पनि तरिकाले जबर्जस्ती गर्न प्रतिबन्ध छ।’

यस सूचनामा विवाहका लागि आएका पाहुनाले दुलहा वा दुलहीलाई जर्बजस्ती किस गर्न र गर्न लगाउन, नवविवाहितहरुको हात र खुट्टामा कुनै चिज लगाइदिन वा उनीहरुमार्फत, उत्शृंखल प्रस्तुति गराउन प्रतिबन्ध लगाइएको उल्लेख छ। सन् २०१८ मा चीनको शहर गोईज्हुमा एक दुलहाका साथीहरुले उनको पुरै कपडा उतारिदिएका थिए। २४ वर्षका यी व्यक्ति केवल आफ्नो अन्डरवेयर लगाएर बसेका थिए र उनको शरीरमा साथीहरुले स्याही फालिदिएका थिए। विवाहको परम्परा भन्दै साथीहरुले निकै हंगामा मच्चाएका थिए। र, साथीहरूबाट बचेर भाग्ने क्रममा यी व्यक्ति कारमा गएर ठोक्किएका थिए। एजेन्सी

Leave a Reply

Your email address will not be published. Required fields are marked *

Copyright © All rights reserved. | Newsphere by AF themes.